Ideas de Percebe, creadores de ideas no Casco Vello

Nun primeiro momento Alberto Badía, Carlos Martí e Lisi González dubidaron en chamarse Ideas de Suicidas, pero finalmente gañou Ideas de Percebe, unha axencia de deseño creativo que, desde principios deste mes de xuño, opera no número 8 da rúa San Sebastián, noutro dos locais comerciais rehabilitados polo Consorcio Casco Vello de Vigo e posto no mercado en réxime de aluguer.

FOTO QUE ABRE ENTREVISTA (de izquierda a derecha, Lisi González, Carlos Martí y Alberto Badía)De esquerda a dereita: Lisi González, Carlos Martí e Alberto Badía.

A culpa do nome, Ideas de Percebe, é dun dos dous socios, concretamente de Carlos, que reside en Madrid e que, segundo o outro fundador, Alberto, “cada vez que ven á Vigo os percebes desaparecen”. E é que a oficina creativa física atópase en pleno casco histórico. Aquí traballan a diario tanto Alberto coma Lisi, pero as novas tecnoloxías permiten a Carlos tamén formar parte máis que activa neste proxecto a 600 quilómetros.

De feito, durante este encontro con Alberto e Lisi tamén puidemos coñecer vía Skype a Carlos, quen sinala que montar a axencia no Casco Vello foi todo un acerto: “Desexamos que o barrio se renove”.

fachada oficina

Na mesma liña móstrase Alberto que considera que a parte alta do Casco Vello comeza a ser “unha importante zona cultural” da nosa cidade. En dita parte alta xa están instalados outros emprendedores como os fotógrafos Javier Teniente, Juan Teixeira, Perfecto Rueda, ou a empresa de coworking Espacio Nido, entre outros. Todos eles dotaron de arte as rúas máis emblemáticas do barrio histórico.

Ao igual que o resto, os artífices de Ideas de Percebe aseguran ser “uns valentes” por montar o seu negocio nun dos peores anos da crise económica, pero, precisamente, “nestes momentos complicados o que toca é reinventarse e, por iso, estamos aquí”, sinala Alberto.

P1340543

Ideas de Percebe chega ao barrio para quedarse e, sobre todo, para crear boas ideas. Na actualidade ten enriba da mesa varios proxectos a nivel estatal e outro dunha empresa de Bruselas, pero aínda non queren dar máis pistas.

En canto á oferta dos baixos comerciais impulsados por parte do Consorcio para seguir dinamizando unha zona degradada durante décadas atrás, Alberto ve “positivo” o desconto do 50% durante os dous primeiros anos de aluguer, xa que, na súa opinión, non existen moitas axudas para os traballadores autónomos.

escultura percebe

Animámosvos a que vos deixedes caer polas instalacións de Ideas de Percebe e descubrir a súa creatividade que é moita.

P1340534P1340533

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: